بده رمضان روحي واجب الصوم...بيه نمحي الذنوب أبجلمه وبأه
صيام من المعاصي أنزكي الأبدان...نغسل بالدموع شما جنيناه
ونطهر نفسنه بشهر عاشور...عالمضلوم لو بالون نعيناه
شعاير نحيي واجب ليل ونهار...نرسم على الواقع ما قريناه
لأن أقرب طريق لرضا المعبود...طريق احسين صدكو لوسلكناه
بيه ليلة قدر أحيوها الأنصار....واليحيي القدر للجنه مثواه
وجب نحزن حزن وندك على الراس...ما جنه بزمانه وجا نصرناه
نعم يا ليتنا وي سيد الأحرار...نحجيها على يومه الما حظرناه
ولاكن نحيي ذكره بكل الأيام....ونتحمل بعد فوك الحملناه
يمر بينه محرم جان ويروح....جثيره ارواح جانت تمشي وياه
يا خذها الظلم جي تنعه الحسين...نسيناهم وذكره ما نسيناه
بعد ننطي جثير وكل عزه أنقيم...لو كل أحنه نكظي ما وفيناه
كفاره اللطم لزغار الذنوب........فطرة صومنه الكعبي دفعناه
أذا تطعم فرض ستين مسكين.....يوم السابع احسب ماطعمناه
مليونين بالحج تمشي للبيت....جم مليون يمشي ما حسبناه
أشكثر راحت ضحايه بسدر الاسلام.....بين أيد النبي وسجلها يمناه
من ستين هجري أقره لليوم....جزه المليون دين الحق نطيناه
بعدنه على الدرب يحسين ماشين....نظل صيام شهرك ما جزعناه
لان نعتقد منك يطلع أهلال.....عيد المهدي لمن يرفع ألواه
نظل للموت هذه الصوت مرفوع.... أبد والله ما ننسه حسيناه
أبد والله ما ننسه حسيناه
خادم خدمة الحسين
الشاعر هداب الحسناوي