كتبتــك قصيــده لطمتــك عقيـــده
وسَمْعــك شعـاري حسيـــنٌ حسيـــنٌ
وهبـت احـروفي كلهــه الحضـرتك يحسـين
وكتبـت القافيـات امطـرزه بكـل حيــــن
عـاشگ بالعشــگ مـااعــرف ابدي منـين
بـس اذكــر احــروفك يجري دمع العيــن
كتبتـك نشيــدي ومـن دم وريـــدي
وردد قــــــــراري حسيـــنٌ حسيـــنٌ
رسمتـك مـن زغـر يحسيـن الي عبـَــره
گبـل مـااعرف انـه الطف صعــب امــره
كبـرت ويــاي كبـرت بالگلـب جمـــره
وخضّـر طفك ابـوسط الگلــب ثــــوره
وبسمــك انــادي يــزهـره فـــؤادي
شيطفيلي نـــــاري حسيـــنٌ حسيـــنٌ
كتبـت اسمـك قصيـدة عـاطفـه واحســاس
ومشـت منـي القـوافي تلطـم اعــــالراس
وبـس اذكـر خيمكــم اذكــر العبــــاس
واگـف علمخيـم بـالــدرع والطـــــاس
يطــوف ابخيــــامك ويــوگف امـــامك
يصيــح اعتــــذاري حسيـــنٌ حسيـــنٌ
ومشـت بيـه القصيــده ودخلــت الحـومـه
وشـافـت كـربلــه وشــافت زلـم نومــه
وشـافت زينــب ابخيمـتهـــه محــرومـه
تعــاين جثتــه وتــدّور ارســومــــه
وتگلــه اجيتـــك يخـــويه ونخيتــك
الخـدري تـــداري حسيـــنٌ حسيـــنٌ
مشـت تنعـه القـوافـي وتشـرح الحالـــه
مثـل زينـب عجيبــه ابــلايه خيالــــه
اخـو عدهــه وبــد مــاتحصـل امثـالـه
اشلــون اتــروح زينـب وي چتـالــــه
وحسـهه تنــــاشد اعله روس الاماجد
اريــد انــه اداري حسيـــنٌ حسيـــنٌ
************************
خادم أهل البيت الشاعر
خالد العلمي