خدام وبالدم خطينه
خدام المــــــــــــنبر نادينه يحسين اسمك عايش بينه
شما طالت لو كصرت بينه نهتف طفك ماناسينه
----------------------------------------------------------------------
يحسين اليــخدم زوارك كل همه يصير من انصارك
ويطالب للـــموت بثارك ويقدم للخـــدمه سنينه
----------------------------------------------------------------------
ما معذور الخلص عمره ماخادم صــــحنك والحضره
خل يدفن نفسه بأي حفره ما يعرف اصله ولادينه
---------------------------------------------------------------------
اطفال وتتعــــــنه الزاير تهتف بسمك والكل حاير
شتعرف عن حسين الثاير وعباس وكطعة جفينه
---------------------------------------------------------------------
عشاك احنه وشفنه الجنه نزلت للدنيـــــــــــــه وتتمنه
من تراب الزاير تتـحنه وتتعطر من عطر جبينه
--------------------------------------------------------------------
بالدم يحسين احنه انعاهد خدام وبالخـــــــــــدمه الشاهد
ما نترك دربك ونجـاهد ومحد عن دربك يثنينه
---------------------------------------------------------------------
نمشي بدربك لا ميهمنه والموت يـــــــغازل مبسمنه
لا تفجير يرد مقدمــــنه عن دربك محد يلوينه
خادم اهل البيت خالد العلمي